 के बारे में

होम

हेल्थ रील्स

प्लेलिस्ट

वीडियो

യാത്രക്കിടയിൽ സംഭവിക്കുന്ന മൂത്ര സംബന്ധമായ നിരവധി പ്രശ്നങ്ങൾ പരിഹാരം തേടി നിരവധി പേരാണ് യൂറോളജി ഒ.പി കളിൽ എത്തുന്നത്. മൂത്രം കൺട്രോൾ ഇല്ലാതെ പോകുക അല്ലെങ്കിൽ മൂത്രം കെട്ടിനിൽക്കുന്നത് പോലെ ഒഴിക്കാൻ സാധിക്കാത്ത അവസ്ഥ, മൂത്രത്തിൽ കല്ല്, ഇൻഫെക്ഷൻ പോലുള്ള പ്രശ്നങ്ങളാണ് യാത്രയ്ക്കിടയിൽ ഭൂരിഭാഗം ആളുകളെയും അലട്ടുന്ന പ്രശ്നങ്ങൾ.  ഇതിൽ മൂത്രത്തിൽ പഴുപ്പ് യാത്ര ചെയ്യുന്ന സമയങ്ങളിൽ ആവശ്യത്തിന് വെള്ളം കുടിക്കാതിരിക്കുക പബ്ലിക് ടോയ്‌ലറ്റുകൾ ഉപയോഗിക്കുമ്പോൾ ഉണ്ടാകുന്ന ഇൻഫെക്ഷൻ, മൂത്രം കുറെ നേരം പിടിച്ചു നിർത്തുക   തുടങ്ങിയ കാരണങ്ങൾ  മൂലമാണ് വരുന്നത്. യാത്രക്കിടയിൽ കൃത്യമായി മൂത്രമൊഴിക്കുക, ആവശ്യത്തിന് വെള്ളം കുടിക്കുക, വൃത്തിയുള്ള ടോയ്ലറ്റ് സംവിധാനങ്ങൾ ഉപയോഗിക്കുക  തുടങ്ങിയ മാർഗങ്ങളിലൂടെ ഇത്  തടയാനാകും.  രണ്ടാമതായി കണ്ടുവരുന്ന പ്രശ്നമാണ് നിർജലീകരണം സംഭവിക്കുകയും മൂത്രം കൂടുതലായി പോവുകയും ചെയ്യുന്ന അവസ്ഥ. ഈ പ്രശ്നം പ്രധാനമായും ദൂരെയാത്രകളിലും വെള്ളം കുടി തീരെ കുറയുന്ന അവസ്ഥകളിലും കൂടുതലായി കോഫി, മദ്യം തുടങ്ങിയവ ഉപയോഗിക്കുമ്പോളും ഒക്കെയാണ് സംഭവിക്കാറുള്ളത്. കടും നിറത്തിലുള്ള മൂത്രം, മൂത്രം ഒഴിക്കുമ്പോൾ പുകച്ചിൽ നീറ്റൽ തുടങ്ങിയ ബുദ്ധിമുട്ടുകൾ എല്ലാം മൂത്രത്തിൽ പഴുപ്പിന്റെ ലക്ഷണങ്ങളാണ് ചില സാഹചര്യങ്ങളിൽ ഈ ബുദ്ധിമുട്ടുള്ളവർക്ക് മൂത്രത്തിൽ കല്ലുണ്ടാകാനുള്ള സാധ്യതയും ഉണ്ട്  ഈ പ്രശ്നങ്ങൾക്കുള്ള പരിഹാരം എന്നത് കൃത്യമായി മൂത്രമൊഴിക്കുക ആവശ്യത്തിന് വെള്ളം കുടിക്കുക കോഫി മദ്യം പോലുള്ളവ ഉപയോഗിക്കാതിരിക്കുക എന്നിങ്ങനെയുള്ള കാര്യങ്ങളാണ് . ചില വ്യക്തികൾക്ക് പ്രത്യേകിച്ച് 55-60 വയസ്സുള്ള പ്രോസ്ട്രേറ്റ് ബുദ്ധിമുട്ടുകളുള്ള പുരുഷന്മാർക്ക്  മൂത്രം കുറേനേരം പിടിച്ചുനിന്നാൽ മൂത്രം ഒഴിക്കാനാവാത്ത സാഹചര്യം മൂത്രം ഒഴിച്ചാൽ ഇടയ്ക്കിടക്ക് വീണ്ടും ഒഴിക്കണം എന്ന ചിന്ത  തുടങ്ങിയ പ്രശ്നങ്ങൾ യാത്രക്കിടയിൽ ഉണ്ടാകാം ഇത് പ്രോസ്ട്രേറ്റ് പ്രശ്നമാണ്. ഈ ബുദ്ധിമുട്ടുകൾ ഉള്ളവർ ഉറപ്പായും ഒരു യുറോളജിസ്റ്റിനെ കണ്ട്  ആവശ്യമായ ചികിത്സ എടുത്തതിനുശേഷം മാത്രം ദൂര യാത്രകൾക്ക് പോവുക എന്നതാണ് ഏകമാർഗ്ഗം. അതോടൊപ്പം കൃത്യമായി മൂത്രമൊഴിക്കാനും മൂത്രം പിടിച്ചു വയ്ക്കാതിരിക്കുവാനും ഈ ബുദ്ധിമുട്ടുള്ളവർ ശ്രദ്ധിക്കണം. യാത്രയ്ക്കിടയിൽ അമിത ഉത്കണ്ഠ, ടെൻഷൻ, ജങ്ക് ഫുഡുകളുടെ ഉപയോഗം എന്നിവ മൂലം മൂത്ര പ്രശ്നങ്ങൾ നേരിടുന്നവരും ഉണ്ട്. ഇത്തരക്കാർക്കും കൺട്രോൾ ഇല്ലാതെ മൂത്രം പോകുന്ന അവസ്ഥ, ഇടയ്ക്കിടെയുള്ള മൂത്രശങ്ക തുടങ്ങിയ ബുദ്ധിമുട്ടുകൾ ഉണ്ടാകാറുണ്ട് ഇതും നേരത്തെ തന്നെ കണ്ടുപിടിച്ചു ചികിത്സിക്കേണ്ടതാണ്. മരുന്നുകൾക്കൊപ്പം ചില ഭക്ഷണപദാർത്ഥങ്ങൾ ഒഴിവാക്കുന്നത് കൊണ്ടും ഈ അസുഖം  നിയന്ത്രിക്കാനാകും. മൂത്രത്തിൽ കല്ലിന്റെ ബുദ്ധിമുട്ടുകൾ ഉള്ള വ്യക്തികൾക്ക് ദൂരയാത്ര ചെയ്യുമ്പോൾ വെള്ളംകുടി കുറയുക കൂടുതൽ അളവിൽ ഉപ്പുള്ള ഭക്ഷണം കഴിക്കുക എന്നിവമൂലം കല്ല് യൂറിട്ടം എന്ന ട്യൂബിനകത്ത് വന്ന്  ബുദ്ധിമുട്ട് കൂട്ടും. അതുകൊണ്ടുതന്നെ ഈ ബുദ്ധിമുട്ടുകൾ ഉള്ള വ്യക്തികൾ ദൂരെ യാത്ര പരമാവധി ഒഴിവാക്കുന്നതാണ് നല്ലത്. അത്യാവശ്യഘട്ടങ്ങളിൽ പോകുമ്പോൾ  വേദന ഗുളികകൾ  കരുതുകയും കൂടുതൽ വെള്ളം കുടിക്കുകയും ചെയ്യണം. <br> <br> എറണാകുളം മെഡിക്കൽ സെന്റർ ആശുപത്രിയിലെ സീനിയർ യൂറോളജി കൺസൾട്ടന്റ് ഡോക്ടർ സനൽ വർഗീസ് യാത്രക്കിടയിൽ സംഭവിക്കുന്ന മൂത്ര ബുദ്ധിമുട്ടുകളെയും  അതിന്റെ ചികിത്സാ മാർഗ്ഗങ്ങളെയും കുറിച്ച് സംസാരിക്കുന്നു.

Dr. Sanel Varghese Chandapillai